Mungesa e golit është faktori kryesor që e ka zhytur Skënderbeun në fundin e renditjes. Nga ajo që ka prodhuar ekipi në 26 javë, del se korçarët janë më efektivë në gjetjen e rrugës së rrjetës në 15 minutat e fundit, pasi nga minuta e 75-të deri në të 90-ën kanë realizuar 31.6% të totalit të golave.
Ndërsa në pjesën e parë ekipi më shumë ka menduar për t’u mbrojtur, madje në intervalin nga minuta e 30-të deri në të 45-ën Skënderbeu nuk ka shënuar asnjë gol në 26 javë kampionat. Ka pasur raste që golat e shënuar në fund kanë qenë vetëm për statistikë, pasi fati i ndeshjeve ishte vendosur më parë.
