Dorëzohet lista në UEFA, të gatshëm 22 futbollistë

Dje faqja zyrtare e UEFA-s ka publikuar edhe listën e lojtarëve të Skënderbeut për ndeshjet e turit të dytë të Champions League. Në fakt, klubi kampion e kishte dorëzuar listën dy ditë më parë, por UEFA e ka publikuar dje. Në këtë listë janë 22 futbollistë.

Për ata që janë federuar për herë të parë me Skënderbeun mund të themi se vlonjati Arbër Abilaliaj do të mbajë numrin 21, braziliani Eskuerdinja numrin 30, bullgari Hristov numrin 17, shkodrani Dema numrin 6 dhe kosovari Shabani numrin 25.

Sipas regullores së UEFA-s, nëse Skënderbeu e kalon turin e dytë, ka të drejtën e federimit të një futbollisti tjetër. Kjo mund të ndodhë, nëse Skënderbeu kalon Krusejdërs. Objektivi është për ta kaluar turin e dytë, por mbetet për t’u parë gjithçka. Kundërshtari nuk është ndonjë emër i madh, por futbollistët, stafi dhe drejtuesit e kanë vlerësuar maksimalisht.