Radas: Gol hakmarrje, Skënderbeu s’ka mbaruar, vërtetuam se jemi më të mirët

Fitorja kundër Parti zanit ishte një suk ses i madh për Skënderbeun, që kapi kështu vendin e parë në renditje dhe për këtë shumëkush në kampin bardhekuq e quan si fitore të dyfishtë.

I tillë është edhe Marko Radas, për të cilin kjo fitore ka qenë e mbushur me gëzim, ndoshta edhe për golin e shënuar, por më shumë ka një hakmarrje në mes.

Në një intervistë për “Panorama Sport”, numri 33 i Skënderbeut flet për suksesin ndaj Partizanit, golin e shënuar dhe më tej ndalet te kampionati i korçarëve dhe Kupa kundër Kukësit.

Marko, një fitore me një rezultat të tillë e kishit menduar përballë Partizanit?

E dinim që për ne ishte një ndeshje vendimtare dhe normalisht që do të bënim maksimumin për të mos humbur këtë takim. E përgatitëm shumë mirë, pavarësisht se Partizani kishte më tepër kohë se ne në dispozicion. Ishte një ndeshje e interpretuar në mënyrë perfekte nga ana jonë, çka solli edhe këtë fitore kaq të thellë…