Për ndeshjen me Partizanin, trajneri Mirel Josa pati tri mungesa të rëndësishme, ku mbrojtësit Vangjeli dhe Abazi ishin të pezulluar, pasi kishin plotësuar numrin tre të kartonëve të verdhë.
Gjithashtu, i pezulluar ishte edhe Nimaga, i cili u ndëshkua me karton të kuq në takimin me Laçin. Fatmirësisht, mungesat e këtyre tre lojtarëve nuk u ndien te Skënderbeu që e shkërmoqi Partizanin me rezultatin 5-2.
Për ndeshjen me Apoloninë, trajneri Josa i ka në dispozicion këta tre lojtarë, që rikthehen nga pezullimi. Gjithsesi, edhe për këtë javë Josa nuk e ka të plotë grupin, pasi për arsye kartonësh do të mungojnë Sabien Lilaj dhe Bernard Berisha. Të dy lojtarët ishin nga më të spikaturit ndaj të Partizanit, por nuk evituan dot kartonët e verdhë.
