Ekipi ka mbyllur sot përgatitjet në kuadër të ndeshjes të javës së 11-të ndaj Kamzës.
Angazhim maksimal nga skuadra në prag të ndeshjes duke pasur parasysh se Kamza është i vetmi ekip që na ndali në fazën e parë të kampionatit.
Nën drejtimin e trajnerit, Ilir Daja u zhvillua një seancë stërvitore tek anekset e stadiumit ‘Skënderbeu’, kryesisht e karakterit taknik. Stafi teknik ka zhvilluar dhe një test të fundit brënda grupit ku ka dhënë këshillat e fundit lojtarëve që do e nisin nga minuta e parë ndaj Kamzës.
MUNGESAT – “Trajneri Daja duhet të bëjë nesër pa 3 lojtarë. Jashanica, Nespor dhe Lilaj nuk do të jenë të gatshëm për stafin. Jashanica dhe Nespor vijojnë programin individual ndërsa Lilaj pavarësisht se sot u stërvit me ekipin me shumë mundësi nuk do rrezikohet nga trajneri Daja. Mesfushori ka hequr Allçinë por do të jetë i gatshëm vetëm për ndeshjen ndaj Dynamo Kiev”
Ju rikujtojmë që ndeshja e javës së 11-të ndaj Kamzës do të zhvillohet nesër, ora 17:00 në stadiumin ‘Skënderbeu’.
