Kosovari Emir Rashica nuk do të largohet nga ekipi i Skënderbeut në merkaton e verës
Burime të siguruara pranë klubit korçar thanë se për 20 vjecarin ka patur interesim nga disa klube të njohura por largimi i futbollistëve të tjerë nga ekipi i ka detyruar drejtuesit e skuadrës të ndalojne të paktën deri në fund të vitit daljen në merkato me futbollistë të tjerë, përfshi këtu 20 vjecarin e ekipit kombëtar shpresa.
Gjatë gjithë këtyre ditëve është folur shumë për largimin e Rashices madje është folur edhe për ekipe që kërkojnë shërbimin e tij por zyrtarët e ekipit korçar pranojnë se kërkesat kanë qënë por nuk ka asnjë bisedë konkrete për transferimin e futbollistit në skuadra të tjera.
I njëjti burim tha se tek Skënderbeu priten me e pakta edhe dy futbollistë të tjerë që do i bashkohen grupit aktual të trajnerit Ivan Gvozdenoviç
Ndeshja e radhës për Skënderbeun është ajo në transfertë me Partizanin
