Hristov: Më bindën Roshi e Balaj të vija në Korçë, me Salihin shkojmë në grupe

Menjëherë sapo ka mbërritur në Korçë, Ventsislav Hristov ka dhënë edhe deklaratën për shtyp, të parën si futbollist i Skënderbeut. Bullgari që do të mbajë numrin 17 në fanellë ka folur për aventurën e re me dëshirën për të bërë mirë këtë sezon me bardhekuqtë duke premtuar që në fillim titullin kampion.

Futbollisti është prezantuar fillimisht nga drejtori i klubit Ilirjan Përmeti, i cili ka thënë fjalët më të mira për lojtarin duke e quajtur një investim të madh të klubit. Sipas tij, sulmuesi pritet të bëjë diferencën në kampin bardhekuq. Duke mbyllur kështu edhe merkaton e ekipit për në Champions Ligë.

Vini nga Rijeka, por ku e ka pasur ecurinë më të mirë Hristov?

Po e drejtë vij nga Rijeka, por kulmin e karrierës mendoj se e kam pasur te Beroe në Bullgari. Atje ku kam arritur të fitoj edhe Kombëtaren. Në këtë ekip jam konfirmuar si futbollist dhe kam fituar një sërë trofesh