Our Sponsor
Pas largimit të Ali Soue dhe Xhejms Adeniji, Skënderbeu duhet të ribëjë sulmin për sezonin e ardhshëm. Blerim Krasniqi dhe nigeriani Oto Xhon shihen si alternativat më serioze për të qenë titullarë në repartin e avancuar. Golashënuesi i kampionatit kosovar me Trepça ’89 pritet të luajë për herë të parë me fanellën bardhekuqe.
Pas dy sezonesh në huazim, Xhon do të rikthehet në Korçë për të vijuar pjesën e mbetur të kontratës. Pritet që të gjithë lojtarët që kanë qenë në huazim në sezonin e kaluar të nisin fillimisht stërvitjen me Skënderbeun dhe më pas trajneri Orges Shehi të vendosë për të ardhmen e tyre.
