Ballina Europe “Pikate” për Skënderbeu-Dinamo Zagreb sipas UEFA-s

“Pikate” për Skënderbeu-Dinamo Zagreb sipas UEFA-s

110
0
Our Sponsor

Në prag të sfidës Skënderbeu-Dinamo Zagreb, e vlefshme për play-off-in e Ligës së Kampionëve, në sajtin e saj zyrtar, UEFA i kushtonte dje një shkrim të veçantë kësaj përballjeje. Të ndara në paragrafë, artikulli bazohej në detaje interesante që u takojnë të dyja skuadrave, të cilat do të përballen më 18 gusht në “Elbasan Arena”. Që nga gjendja e skuadrave para ndeshjes mes tyre, te statistikat në këtë sezon dhe të tjera detaje për përballjen, të cilën UEFA e quan historike për Skënderbeun.

-Skënderbeu dhe Dinamo Zagreb takohen për herë të parë mes tyre, ndërsa kjo do të jetë ndeshja e parë e korçarëve kundër një skuadre kroate në kompeticionet Europiane.

-Dinamo Zagreb është përballur më parë me Tiranën, kundërshtari i parë dhe i vetëm i ekipit kroat në kompeticionet evropiane, kur në raundin e parë eliminator të Ligës së Kampionëve 1996-1997, ajo triumfoi në të dyja ndeshjet nga bardhebluve me rezultatin e përgjithshëm 10-2.

Our sponsor

-Hera e fundit që Dinamo Zagreb është kualifikuar në grupet e Ligës së Kampionëve ka qenë në sezonin 2012-2013, ndërsa në atë pasardhës, u eliminua në raundin e fundit nga Austria e Vjenës.

-Skënderbeu, prej 7 ndeshjesh nuk pëson humbje në shtëpi në kompeticionet Europiane. (6 fitore, 1 barazim)

-Dinamo Zagreb nuk është mposhtur në asnjë takim nga katër të luajtur këtë sezon në eliminatoret e Ligës së kampionëve. (1 fitore, 3 barazime)

-Ekipet shqiptare nuk kanë pësuar asnjë humbje me skuadrat kroate në pesë ndeshjet e fundit.

-Mbrojtësi i Skënderbeut, Marko Radas është formuar si lojtar tek akademia e Dinamos së Zagrebit.

-Sabien Lilaj ka luajtur më parë te Lokomotiva e Zagrebit me dy lojtarë që tashmë janë pjesë e Dinamos së Zagrebit, Domagoj Antoliç dhe Josip Pivariç.

-Dinamo Zagreb ka në përbërje 18-vjeçarin shqiptar Endri Çekiçin, i ati i të cilit në të kaluarën ka luajtur me Skënderbeun.

-Kapiteni i Dinamo Zagrebit është Arijan Ademi, lojtar i përfaqësueses së Maqedonisë, por në fakt është shqipfolës.

Artikulli paraprakSkënderbeu-Dinamo, test për Shqipëri-Serbi
Artikulli tjetër“Spiuni” kroat i Superkupës: Skënderbeu m’u fsheh

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu