Ballina Europe Daja kërcënon përsëri kroatët: Hap i madh para, në Elbasan do shihni...

Daja kërcënon përsëri kroatët: Hap i madh para, në Elbasan do shihni Skënderbe tjetër

45
0
Our Sponsor

Trajneri i Skënderbeut, Ilir Daja, e ka cilësuar një hap të madh para barazimit 1-1 në fushën e Dinamos së Zagrebit, pavarësisht mënyrës se si rrodhën ngjarjet në ndeshje. Pas takimit, trajneri i Skënderbeut, nuk ka ngurruar të paralajmërojë rivalët se në takimin e kthimit në Elbasan, do të kenë përballë një ekip edhe më të fortë, të mbështetur nga një tifozeri e zjarrtë.

Për paraqitjen në ndeshjen e parë

“Mund të them se ne morëm çfarë deshëm, ky është një rezultat shumë i mirë për ne. Kemi luajtur një pjesë të parë të madhe, nuk e kam parë ende videon por kam marrë shumë mesazhe që na është anuluar me të padrejtë një nga golat në ndeshje.

Our sponsor

Nuk i dhamë shumë kohë dhe hapësirë Dinamos dhe u paralizuam nga faullet. Ky është një rezultat i madh për ne, do të shihni një Skënderbe tjetër në ndeshjen e kthimit, në Elbasan presim mbështetje të madhe nga tifozeria jonë”.

Për momentin e pësimit të golit

“Ne u tërhoqëm në fund, nuk arritëm të kontrollonim më topin, por nuk mendoj se ishim të lodhur, edhe pse nuk ishim ashtu siç duhej”.

Për shanset e kualifikimit

“Dinamo ka një skuadër të madhe, ne mund ta fitonim, por edhe ky 1-1 është një rezultat i mirë për ne. Kush është i favorizuar? Është ende e hapur, do të jetë një ndeshje interesante dhe nëse kthehemi pas te ajo që bëmë sot, është një hap i madh për ne në Ligën e Europës”.

 

Artikulli paraprakLajmi i fundit/Daja vendos për Demten dhe Plakun
Artikulli tjetërSkënderbeu – Partizan Beograd, biletat në shitje

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu