Në këtë deklaratë të tij, trajneri bardhekuq e ka quajtur decizive këtë sfidë për bardhekuqtë, por jo përcaktuese për titullin kampion.
“Është decizive, pasi ai që humbet, e sheh më larg titullin, por aspak përcaktuese, pasi ka ende shumë javë në dispozicion”, theksoi veç të tjerash trajneri Josa, i cili ka parë të rikuperohen lojtarët e dëmtuar, përfshi këtu edhe Prognin.
Profesor, katër ditë përgatitje janë të mjaftueshme për t’u përballur me Partizanin?
Është një kohë e mjaftueshme për të përgatitur këtë ndeshje. Kjo edhe për vetë faktin se nuk kemi shumë gjëra për të ndryshuar për sa i përket mënyrës se si luan Partizani dhe mënyrës se si do të luajmë ne.
