Gjashtë muaj me Rijekën, po aq sa Bekim Balaj, në fazën e dytë të sezonit të shkuar, mjaftojnë që Ventislav Hristov, sulmuesi bullgar i ardhur te Skënderbeu në këtë merkato vere, të njohë mirë Dinamo Zagrebin dhe futbollin kroat. Ai mund të jetë “spiuni” brenda shtëpisë për kampionët korçarë, teksa vjet e ka parë nga afër Dinamon e Zagrebit. Megjithatë, deri tani, Hristov, nuk ka pasur hapësirat e duhura për të treguar vlerat e tij, edhe pse mbetet një nga blerjet më të shtrenjta, bashkë me Hamdi Salihin.
